KHUCHI PHAKACHAQ Montacerdos

Para Cromwell Jara Jiménez

Yoqoq kutichimusqan..

Imapunitaqmi kani,

warmachu o taq salqachu,

runachu o taq ñaqaskachu?

Khuchi pukllachiq,

huk’uchallanmi kani.

Llaqtakunapas mancharisqa,

penq’arisqa manan qhawankuchu

wakchalla kasqankuta,

k’umillu purisqankuta,

ch’usaqyasqankuta.

Ima kawsaytaq kay Limari,

mana unuyoq, mana mikhuyniyuq,

mana illayuq, mana yachayniyuq,

qolqe sapa kamachiqkunataq

wiray wiray phatasankuña.

Iskay uya qharichakunataqmi

p’unchawpi millapakunku,

ch’isiyamuqtintaq,

warmikunawan puñupakunku

opayanankuqama.

Taytachapas pantakachanmi,

machu kuraq yukasqan,

manas taripaykumanchu makinta,

chay raykus millapawanku

manas apukunaq churinchu kayku.

Hatun wasiyuqmi rikukuni,

ch’askakunapas k’anchariwankun,

aqopampaypas hatunqaraymi.

Hanaqpachapipas pukllamunin

khuchichayta phakachakuspa.

Siraraykuna, wanwaykuna, ch’uspiykuna,

apasasankaykunan pukllaymasiq k’umpay,

paykunallan cheqaq yawarniykuna,

yachankun sonqo nanayniyta,

hawapaqtaq rumichakullani.

Sankhapiñan ch’utalayasani,

Sinchikunaq ranq’anchunwan,

wikapasqa saruchasqa wañuchisqa,

manan pillapas tapuriwanchu,

q’eachasqa yawarniymanta.

Imaynatan chayamurani,

ismusqa ch’itiqo, mana wañuq,

chayñallataqmi ripukapusaq,

khuchi patapi asiy asiyraq,

saqra runakunaq uyanpipuni.

#agenciadenoticiascusco26

#cusco17octubre#informes al 984810510

#aprimerahora.cusco@gmail.com